سياسة الخصوصية

من نحنا

د.منيو (dr-menu.com) خدمة مينو إلكتروني وطلبات للمطاعم والكافيهات. بهالسياسة «المطعم» يعني صاحب الحساب، و«الزبون» يعني يلي بيفتح المينو.

شو منجمع

• من المطاعم: الاسم والإيميل ورقم التلفون، ومحتوى المينو والصور، ومعلومات الاشتراك والدفعات.
• من الزباين وقت الطلب: الاسم والتلفون، والعنوان للتوصيل بس، والملاحظات. هالمعلومات بتوصل للمطعم يلي طلبت منه لحتى يجهّز طلبك.
• إحصائيات الزيارات: عدد الزيارات ونوع الجهاز واللغة. ما منخزّن عنوان الـ IP؛ منحوّله لرمز ما بيرجع ينفك وبيتغيّر كل يوم.
• التقييمات: يلي بتكتبو بتقييم المطعم، ووسيلة تواصل إذا اخترت تكتبها.

كيف منستعملها

لنقدّم الخدمة: نعرض المينو، ونوصّل الطلبات للمطعم، ونبعت تنبيهات الاشتراك والتقارير. ما منبيع بياناتك ولا منشاركها لإعلانات.

الكوكيز

صفحات المينو ما بتستعمل كوكيز تتبّع. لوحة التحكم بتستعمل كوكيز تسجيل الدخول بس. والمتصفح بيحفظ سلة الطلب واختيار الوضع الليلي على جهازك.

الحماية والاحتفاظ

البيانات محفوظة على سيرفرات مع نسخ احتياطية يومية والاتصال مشفّر. الطلبات والإحصائيات بتضل محفوظة طول ما حساب المطعم موجود، والمطعم بيقدر يطلب حذفها.

حقوقك

بتقدر تطلب نسخة من بياناتك أو تصحيحها أو حذفها بمراسلتنا. إذا طلبت من مطعم، بتقدر تتواصل مع المطعم نفسه كمان.

تواصل معنا

لأي سؤال عن الخصوصية راسلنا على hello@dr-menu.com.