شروط الاستخدام

الخدمة

د.منيو بيقدّم للمطاعم مينو إلكتروني ولوحة تحكم وطلبات وإحصائيات، حسب الباقة المختارة.

المطعم مسؤول عن صحة معلومات حسابو وعن سرية كلمة السر، وعن كل شي بينعمل من خلال حسابو.

التجربة المجانية مدتها 14 يوم بعد تأكيد الإيميل، ومرة وحدة لكل مطعم.
الاشتراك شهري أو سنوي، وبيتفعّل لما توصلنا الدفعة. إذا ما تجدّد، المينو بيوقف عن الزباين وبيانات المطعم بتضل محفوظة.
الدفعات المدفوعة ما بترجع إلا إذا اتفقنا غير هيك.

المطعم مسؤول عن محتوى المينو: الأسعار والصور والأوصاف ومسببات الحساسية، وعن تجهيز الطلبات وتوصيلها. د.منيو ما بيتحمّل مسؤولية دقة هالمعلومات.

الطلب اتفاق بين الزبون والمطعم، والدفع كاش للمطعم. د.منيو بيوصّل الطلب بس.

ممنوع استعمال الخدمة لأي محتوى مخالف أو مضلّل، أو لمحاولة اختراقها أو إغراقها بطلبات وهمية. منقدر نوقف أي حساب بيخالف هالشروط.

منشتغل لتضل الخدمة شغّالة دايماً، بس ممكن يصير انقطاع للصيانة أو لأسباب خارجة عن إيدنا.

ممكن نعدّل هالشروط، ومنبلّغ المطاعم بأي تغيير مهم قبل ما يصير ساري.

hello@dr-menu.com